Committee on Ways and Means ng BTA Parliament, naghahanda na para sa amendment process matapos ang 2 buwan na extensive review sa panukalang batas bago isumite sa Parliament

iMINDSPH

Kinumpirma ni Ways and Means Committee Chair Paisalin Tago na nakatakdang magreconvene ang komite bago ang Ramadan para isapinal ang mga kinakailangang amendments sa panukalang Bangsamoro Revenue Code.

Sinabi ng mambabatas na ang report na nagsasaad ng mga pagbabago ay ipiprisenta sa parliament sa pagpapatuloy ng regular sessions.

Ang 11-title BRC, ay unang inihain noong February 2024, sumailalim ito sa masusing public consultations at discussions sa pagitan ng mga stakeholders at experts.

Ang revenue code ang natitirang priority code na kailangang ipasa ng Bangsamoro Parliament bago magtapos ang transition period.

Sinabi ni Deputy Speaker Omar Yasser Sema na ang pagpasa sa nasabing proposed bill ay isang malaking bahagi sa pagsasakatuparan ng mandato ng Parliament.