53 Barangay Health Workers sa Sitangkai, Tawi-Tawi, tumanggap ng cash assistance mula sa tanggapan ni MP Amilbahar Mawallil

iMINDSPH

Animnaraang libo na cash assistance ang ipinamahagi sa limampu’t tatlong Barangay Health Workers sa Sitangkai, Tawi-Tawi, a-26 ng Enero.

Ang Barangay Health Workers’ Incentives ay mula sa tanggapan ni MP Amilbahar Mawallil sa ilalim ng Transitional Development Impact Fund o TDIF 2024 ng mambabatas.

Ayon sa Chief of Planning Division and Regional TDIF Coordinator ng MOH, Anisa Matuan, laging prayoridad ng mambabatas ang mga BHWs na tinaguriang health warriors na malaki ang ginagampanang papel sa pagsusulong ng kampanyang pangkalusugan ng ministry.